Portrait vun Nedersassen

Narms in Dütschland givt dat so afwesslungsrieke Landschaft as in Nedersassen. Maritime Wiede teeknet de Noorden und een Mittelgebirge beherrcht de Süden. Damang lingen betörende Flusslandschaften, märchenhafte Holten und blöende Heid. All dat tohoop givt een Antreckenskraft, de dat tweetgröttste Bundesland as een eerstklassige Tourismusziel utteeknet und de Inheimischen mit een Höchstmaß an Levensqualität bescheert.

Blanken de reizvulle Natur kann man ok malerische Dörper und quicklebennige Städte entdecken. Kulturmetropolen as de Landeshauptstadt Hannover, de Löwenstadt Braunschweig, de Wetenschopstadt Göttingen oder de Freedstadt Osnabrück beeten pulseerende Urbanität. Spannenden Sporen vun de Geschicht bemöten sik mit innovative Ünnerneemen vun mannige Branchen. Över dat heele Bundesland vestreut finnen sik wilke UNESCO Welterbesteden.

Wichtigste Taktgeber vun de Wirtschaft sünd de Automobilindustrie und eer Tolieferer mit Weltmarken as Volkswagen oder Continental. Ökonomisch bedüdend is ok de modern struktureerte Landwirtschaft mit breet streute Wieterverarbeitung und Marktföhrern för Landtechnik. In dat Ole Land liggt dat gröttste Obstanburebeet vun Europa. Und ok mit de Produktion vun Flugzeug-Komponenten, Schienenfohrtüge oder Medizintechnik dukt Nedersassen op de Weltkort op. Nich to vegeeten de Schauplatz för internationale Leitmessen und Exportschlager ut Windenergie und Schippbuu. 

Sien zentrale Laag sett Nedersassen in de Fokus vun europawiete Verkehrsverbindungen op Schiene, Straat und Waterstraat. Hamburg, Berlin, Frankfurt, dat Ruhrgebiet oder Amsterdam sünd direktemang to errieken. Na München fohrt de ICE in gut veer Stünn. Und för de Fluggäste vun de Hannover Airport staht mehr as 80 Direktziele to Utwahl.