Laten Se sik vezaubern und bi een Besök in dat 19. Johrhunnert torüch vesetten.
Das Slott Marienburg weer nich blots för Königin Marie vun Hannover een Sehnsuchtsort. Ok vundaag noch begeistert eens dat Slott mit sien meist vullstänni erhoolene Utstattung und sien Erscheinung as in een Märchen. König Georg de Foffte har sien Fru Marie dat Slott to‘n Geburtstag schenkt und he har dat Slott „na de Wohlgefallen von Unse leewe Gemahlin und na Bequemlichkeit“ inrichten laten. Ok wenn dat Slott nich lang bewaahnt weer, kann man liekes in all de Ecken sehn, wat de Königin eer Eldorado, as se dat Slott naamsen deh, leew har. Ok de wesselvulle Geschicht von Marie, Georg und emse dree Kinner, de in’t Exil in Österriek enden dee, maakt ut dat herutraagende historische Buudenkmaal een ganz besünnere Ort.
Slott-Besichtigungen
Das Slott kann dat ganze Johr öwer besichtigt warn und bedt blanken de Slott-Besichtigung op eegen Fuust ok een ganze Reeg vun thematische Föhrungen an. De Opstieg op de 40 Meter hoche Turm vun dat Slott ermöglicht een eenzigartige Blick in dat Calenberger Land. Bi klaare Weddern kann man sogar Hannover anne Kimming gut kennen.
In de Sommer vewandelt sik de romantische, vun Rosen und Geranien umsüümte Binnenhoff in een perfekte Kulisse för Buten-Veanstaltungen ünner de friee Hewen. Ob Klassik, Marching Bands oder Kleinkunst – dat bunte Programm hölt för jedereen wat paraat.
De Errichtung von Slott Marienburg, dat hütigendaags in dat Stadtgebiet von Pattensen (Region Hannover) liggt, ist mit een anröörende Geschicht vebunnen: De blinde König Georg de Foffte, de letzte König vun Hannover, schenkte sien Gemahlin Königin Marie in dat Johr 1857 to’n Geburtstag de Barg, de vun da an Marienberg heeten schull, und dat Slott, dat noch buut wurden schull. Dat na eer benaamste Slott weer eegentli as een Sommersitz dacht. Sodenni wurr dat Slott ut een romantische Lewensgeföhl herut utklamüsert: Een Märchenslott baben op een Knüll, mit Türme, Slott-Kapell und eegens kreeerte Mobiliar und dato phantasievull anmalte Gewölbe.
De Architekten Conrad Wilhelm Hase und Edwin Oppler hebb dat Slott twüschen de Johrn 1857 und 1867 in een neogotische Stil buut. De Buu weer noch nich ganz vullendet, as 1867 dat Königriek Hannover de Krieg gegen Preußen veleeren deeh. Königin Marie musse mit eer Hoffstaat vun Slott Herrenhausen na eer Privatbesitz Marienberg trekken. De politische Unruhen hoolen an, so datt Königin Marie 1867 to eer Mann int Exil na Österrik gung. Se kämen nie wedder torüch na Hannover.