Blots 46 km van Hannover wied ofgelegen
Weserbergland
![Hannoversche Klippen](https://www.visit-hannover.com/var/storage/images/_aliases/image_full/media/01-data-neu/bilder/hmtg/niedersachsen/weserbergland/hannoversche-klippen,-kulturland-kreis-höxter,-pano/17917141-1-ger-DE/Hannoversche-Klippen,-Kulturland-Kreis-Höxter,-pano.jpg)
Hannoversche Klippen
De Öwergang vun‘t Flachland in‘t Mittelgebirge: De Water-, Rad- und Motorradwege vun Niedersachsen utkundschaften.
Längs de Weser – dör Niedersachsens Gebirgsutlöper
De Utlöper vun dat Norddütsche Mittelgebirge bilden de malerische Landschaft vun dat Weserbergland. De Landschaft is hügeli und vull dichte Holten – to‘n Bispeel bi de Naturpark Solling-Vogler. In de Weser fleeten vescheedene Beeken und de Werra und de Fulda. De Region is vun Hann. Münden bit Porta Westfalicana na eer benaamst. De afwesselungsrieke Landschaft ut Daalen und Höchdenzüge vun dat Niedersächsische Bergland trekken Rad-, Wander- und Motorradtouristen ut ganz Niedersachsen an. Besünners de Beleevnisse op Rad sünd een Attraktion för de aktiven Besökers.
De afwesselungsrieke Anfohrtsweg öwer de B1 oder de B3 is nich blots een gaue An- und Afreismöglichkeit, man dor kummt ünnerwegens al Vörfreud op een ganz besünnere Landstrich vun Niedersachsen op. As Belohnung töwen endlose Naturschutzgebiete und schöne kurvige Passstraaten op de Radlers. Wokeen dat leewer komoodi mag, de kann sich bi een Schiffstour an de Landschaft högen. Längs dat Weltkulturerbe Slott Corvey und de Porzellanmanufaktur in dat Slott Fürstenberg flütt de Weser an de Städte Bad Karlshafen, Bodenwerder und Hameln vörbi und laat de Mitfohrers dat Weserbergland ut een ganz niege Perspektive bekieken. Vörbi an ole Burgen, steile Felsenhänge und naturbelaatene Holt-Gebiete föhlt man sik op düsse Water-, Rad- und Straatenwege so neech bi de Natur as sünst narms.
![Weser-Skywalk, Kulturland Kreis Höxter,](https://www.visit-hannover.com/var/storage/images/_aliases/panorama/media/01-data-neu/bilder/hmtg/niedersachsen/weserbergland/weser-skywalk,-kulturland-kreis-höxter,-pano/17917219-1-ger-DE/Weser-Skywalk,-Kulturland-Kreis-Höxter,-pano.jpg)
Weser-Skywalk, Kulturland Kreis Höxter,
Motorrad oder Fohrrad – op twee Röders dör dat Niedersächsische Bergland
In de Saddel de Gebiete links und rechts vun de Weser utkundschaften? In düsse Fall awer nich to Peerd, man mit Motorrad oder Fohrrad. Daför is de Mittelgebirgslandschaft bekannt. In dat Weserbergland givt dat neben de bekannte Weser-Radweg noch bannig veel Nebenstrecken för Radfohrers und Mountainbikers. Ob dör dat Holt oder längs de sik sachen schlängelnde Weser – de Radtouren föhren an besünnere Sehenswürdigkeiten vörbi so as de atemberaubende Weser-Skywalk und de Hannoversche Klippen.
För Gäste, de sik leewer op een motoriseerte Tweerad setten, is düsse Region – neben de Harz – een beleewte Motorrad-Rebeet. Besünners de Köterberg, de höchste Barg in de Neechde, ist een richtigen Magnet för de Szene und sodenni een geern besökte Biker-Treffpunkt. Sien Rundumsicht rekt bis to 80 km öwer dat wiede Gröön vun dat Weserbergland. Wokeen kotte Etappen söcht, de kann sik ok Ziele as de Schillat-Höhle in Hessisch Oldendorf und de Tonenburg in Höxter-Albaxen setten. Lieke enns, wat mit Pedaal oder Motor andreeben, jede Tuur dör dat Weserbergland ward een beleefnisrieke Utfohrt.
![Weser, Kulturland Kreis Höxter](https://www.visit-hannover.com/var/storage/images/_aliases/panorama/media/01-data-neu/bilder/hmtg/niedersachsen/weserbergland/weser,-kulturland-kreis-höxter,-pano/17917180-1-ger-DE/Weser,-Kulturland-Kreis-Höxter,-pano.jpg)
Weser, Kulturland Kreis Höxter